Xa había ganas de festas en Rubiá
Xabier Piñeiro
A localidade ourensá retoma as Festas da Ascensión tras o parón obrigado pola pandemia. Empezaron este 26 e alongaranse ata o domingo 28 de maio.
Os actos festivos deron comezo onte, 26 de maio, día propio da ‘Ascensión do Señor’, coa tradicional procesión e charanga amenizando o acompañamento.
Hoxe, a festa non se fará esperar cun venres noite de animación musical a tope. Sobre a medianoite actuará o dúo “Carta de Ajuste” co seu espectáculo musical cheo de bo rollo e humor “O mellor e o peor dos anos 80 e 90 en concerto”; e a continuación pinchará DJ Tariro, coñecido desta contorna, e habitual en sesións do Bravo Lux da Rúa.
E chegamos á fin de semana na que as orquestras e outro DJ de renome serán as protagonistas. O sábado 28 encargarase da verbena a que din é orquestra revelación deste 2022, orquestra Arizona, e para alongar a noite outro grande dos pratos, DJ Motto Inda House.
O domingo 29, no remate dos festexos, ás 12:30 h. será a Misa e Procesión na honra a San Isidro xunto coa tradicional bendición dos campos, e pola noite actuarán Os Satélites.
