Trives benefíciase da adquisción de novos vehículos para a recollida de lixos
- A Deputación de Ourense incorpora novos vehículos á flota de recollida de lixo
- Trátase de sete camións e un furgón, adscritos á Área de Medio Ambiente
- O importe da adquisición é preto ao millón de euros
Presentación da nova flota no parque de maquinaria
A Deputación de Ourense segue a renovar a súa flota de camións para a recollida de lixo, coa incorporación de sete vehículos recolectores de carga traseira de residuos sólidos urbanos e un furgón, adscritos a Área de Medio Ambiente. A presentación tivo lugar esta mañá no Parque de Maquinaria da Deputación de Ourense, a cargo do deputado provincial de Cooperación, Pablo Pérez, acompañado de técnicos do Servizo de Augas e Medio Ambiente. Pablo Pérez destacou que este é un exemplo máis «da aposta que fai a Deputación de Ourense por unha provincia verde, un dos eixos fundamentais do plan de goberno «Ourense 15-19», e engadiu que a renovación da flota «repercute na eficiencia e mellora dos servizos que presta o ente provincial nos concellos adheridos ao servizo de recollida de lixo».
O novo equipamento está destinado ao servizo intermunicipal de recollida de residuos sólidos urbanos en diferentes puntos da xeografía ourensá e con diferente frecuencia, recollida que está regulada polo Convenio Marco de cooperación entre a Deputación e os 50 concellos da provincia adheridos ao mesmo. Os novos camións destinaranse ás rutas de Pereiro, Xinzo de Limia, Muíños, A Peroxa, Trives e o Carballiño, mentres que o furgón servirá de apoio nas distintas tarefas dentro do servizo de recollida de lixo, como o traslado de contedores.
Coa adquisición destes novos vehículos, por importe de 994.983 euros, a Deputación de Ourense segue avanzando cara a unha xestión da flota máis sostible, con solucións de mobilidade máis eficientes e ecolóxicas, minimizando os custes e mellorando o medio ambiente por medio da redución das emisións de CO2 por ano.
