‘Partenalia’: Manuel Baltar novo vicepresidente
- Manuel Baltar, elixido vicepresidente de «Partenalia», a organización de gobernos locais intermedios de Europa
- Na reunión, que se celebra hoxe en Bruxelas, na que participa o vicepresidente da Deputación de Ourense, Rosendo Fernández, o Consello Político de Partenalia presenta diante do Comité das Rexións os avances acadados polos gobernos locais intermedios no que atinxe a transparencia, democratización e bo goberno das institucións
O presidente da Deputación de Ourense, Manuel Baltar, foi elixido esta mañá en Bruxelas vicepresidente de «Partenalia», a organización internacional de gobernos locais intermedios de Europa, que ten como obxectivo a innovación, o traballo en rede e representar os intereses dos gobernos locais en Europa.
Na reunión, celebrada hoxe en Bruxelas, na que participa o vicepresidente da Deputación de Ourense, Rosendo Fernández, o Consello Político de Partenalia presenta diante do Comité das Rexións os principais avances acadados na promoción dos gobernos locais intermedios no que atinxe a transparencia, democratización e bo goberno das institucións.
