Os construtores da Coruña atribúen ao AVE a menor licitación en Galicia
Galicia rexistrou en 2013 un total de 1.155 obras adxudicadas por un importe de 443 millóns de euros e un orzamento de 564 millóns, mil millóns menos que o ano anterior, cando se situou en 1.607, debido a que a Administración central non licitou grandes obras do trazado de alta velocidade ferroviaria.
Así consta nun estudo feito público hoxe pola Asociación provincial de Empresarios da Construción da Coruña, que constata un «notable» ascenso do volume de obras adxudicadas polas administracións autonómica, con 125 millóns de euros (66 en 2012), e local, con 135 millóns de euros (117 en 2012).
Ao contrario, apunta un «destacado» descenso na Administración central, con 183 millóns de euros, fronte aos 1.424 en 2012.
Segundo o estudo, a cifra total de obras ascendeu nas administracións local (877 en 2013 e 732 en 2012) e autonómica (148 en 2013 e 127 en 2012), e diminuíu na central (130 en 2013 e 196 en 2012).
Das 1.155 obras indicadas, o 24% (279) corresponde a concursos, o 13% (150) a poxas e o 63% (726) a contratas directas ou negociado.
EFE
