O DOG publica a convocatoria de 2015 das axudas aos investimentos para elaboración e comercialización de viño
O Diario Oficial de Galicia (DOG) publica hoxe a Orde da Consellería do Medio Rural e do Mar pola que se convocan para o 2015 as axudas aos investimentos para a elaboración e comercialización de produtos vitícolas.
A dotación total destas subvencións –financiadas co Fondo Europeo Agrícola de Garantía (FEAGA)– será de 8.027.730 euros para o período 2015-2018, coa seguinte distribución anual:
ANUALIDADE |
IMPORTE |
2015 |
2.760.632 |
2016 |
2.051.611 |
2017 |
1.715.487 |
2018 |
1.500.000 |
TOTAL |
8.027.730 |
Poderán acollerse a estas subvencións as microempresas e pequenas e medianas empresas que produzan, comercialicen ou realicen ambos procesos respecto aos produtos vitivinícolas.
O prazo de presentación de solicitudes para esta convocatoria, así como de toda a documentación solicitada, rematará o vindeiro 31 de xaneiro de 2015.
