Novos horarios dos paseos en barca polo Cabe
- O Concello informa
O Concello informa que do 1 ó 30 de setembro o río Cabe continuará cos Paseos en Barca polo Río Cabe cun novo horario.
Os Paseos en Barca que nos meses de xullo e agosto foron un grande foco de atracción para a poboación local e para moitas persoas que visitaron o Concello nesta época estival.
Hai diversos aspectos que contribúen a que este evento sexa moi significativo: a súa relevancia na recuperación do río Cabe e o seu contorno como elemento patrimonial de primeira orde en Monforte, o seu papel de acontecemento dinamizador de actividade a carón do río e o fomento que a actividade supón para manter vivo en xeracións de todas as idades o amor pola rica tradición fluvial local en particular e galega en xeral.
Deste xeito, durante todo o mes de setembro, poderán seguir alugándose barcas de paseo no embarcadoiro do Parque dos Condes, de luns a domingo cos seguintes horarios:
- Luns a venres, tardes de 17:00 a 21:00 h
- Sábado, domingo e festivos, mañás de 11:00 a 14:00 h e tardes de 17:00 a 21:00 h
Cada paseo, dunha duración de media hora, custará 3,25 euros.
A actividade Paseos en Barca polo Río Cabe está organizada polo Concello de Monforte de Lemos en colaboración co Clube de Piragüismo Quixós.
