Monforte acende o alumeado de Nadal
- Para axudar ó Comercio e á Hostalería
- Ás 18:30 horas, o Alcalde de Monforte, José Tomé Roca, acompañado por varios Concelleiros e Concelleiras do Equipo de Goberno, acendeu oficialmente a iluminación de Nadal 2020
- O Equipo de Goberno incrementou unha vez mais, para este ano 2020, o número de rúas con arcos de Nadal, pasando de 62 a 64 rúas, dúas máis que no ano anterior, e o número de arcos pasou de 160 a 177, aumentando en 17 arcos, o que supón un 10,6% máis que en 2019. Ademais, aumentaron tamén o número de luces de LED´s instaladas en máis de 2.000 unidades, pasando de 30.179 a 32.372 luces
- O Concello considera que instalar este ano o alumeado de Nadal é unha boa maneira de axudar ó Comercio e á Hostalería ante a crise que estamos a padecer coa pandemia da Covid-19, animando ós monfortinos e veciños dos concellos limítrofes a saír da casa e a mercar nos establecementos monfortinos, contribuíndo á dinamización económica
Na tarde de hoxe, ás 18:30 horas, o Alcalde de Monforte, José Tomé Roca, acendeu oficialmente a iluminación de Nadal 2020, acompañado pola Primeira Tenente de Alcalde, Gloria Prada, o Concelleiro de Servizos, José Luís Losada, o Concelleiro de Deportes, José Manuel Mougán, a Concelleira de Consumo, Regina López e o Concelleiro de Medio Ambiente, Miguel Tomé.
O acendido oficial tivo lugar na Praza de España, diante dun novidoso arco-paquete-agasallo que simboliza, en verbas do Alcalde “unha nova esperanza e unha nova ilusión para o vindeiro ano 2021. Un ano que desexamos veña cheo de alegría e de oportunidades para todos, e que nos regale saúde, normalidade e progreso económico para todos e todas, deixando atrás o pesadelo da pandemia do Covid-19” .
Nun ano tan difícil para todos, especialmente para sectores importantes para a nosa economía, como son o Comercio e a Hostalería, o Equipo de Goberno do Concello, a proposta do Alcalde, acordou instalar arcos de alumeado de Nadal, cunha intensidade similar ó das pasadas festas navideñas, con algunhas variacións que o fan sen dúbida máis atractivo.
Dende o Equipo de Goberno considérase que instalar este ano o alumeado de Nadal é unha boa maneira de axudar ó comercio e á hostalería monfortinos, animando tanto ós cidadáns como ós veciños dos concellos limítrofes a saír da casa e a mercar nos establecementos monfortinos, contribuíndo á dinamización económica.
Seguindo coa decisión do actual Alcalde de levar as luces de Nadal a todos os barrios de Monforte, este ano mantense ese compromiso para que todos os veciños e veciñas da cidade teñan cerca das súas casas algún arco luminoso que estimule o sentimento navideño.
Este ano 2020, incrementouse unha vez máis o número de rúas con arcos de Nadal, pasando de 62 a 64 rúas, 2 máis que no ano anterior, e o número de arcos pasou de 160 a 177, aumentando en 17 arcos, o que supón un 10,6% máis que en 2019.
Deste xeito, aumentaron tamén o número de luces de LED´s instaladas máis de 2.000 unidades, pasando de 30.179 a 32.372 luces.
Ademais das 64 rúas iluminadas, tamén están adornadas a Torre da Homenaxe, a praza de España, o Campo de San Antonio, a praza de Carude, a praza dos Chaos e a praza da Estación, e 7 letreiros de “Bo Nadal” ubicanse nas entradas á cidade de Monforte.
Este ano tamén foi adornado coa Estrela de Nadal, o cedro que se atopa entre a praza das Casitas e a explanada da Compañía, coma unha guía cara un ano mellor.
A decoración navideña, un investimento
O rexedor monfortino apunta que “o noso desexo é que todos os veciños sintan o espírito do Nadal durante estas datas tan sinaladas, por iso, levamos un ano máis a iluminación navideña a todos os barrios de Monforte. Este ano, os arcos desprenderán unha luminosidade máis intensa que o pasado Nadal”.
O rexedor engade que “consideramos que a decoración navideña nas rúas é un investimento moi útil para o comercio así como para o conxunto da nosa economía, xa que nos beneficia a todos”. José Tomé Roca apunta tamén que “o noso obxectivo é fomentar que as compras destas datas tan especiais, se realicen na nosa cidade. O compromiso deste Equipo de Goberno sempre foi chegar coa iluminación navideña a todas as zonas do municipio e nesa liña seguimos traballando, e aínda máis si cabe nun ano coma este marcado pola crise sanitaria do coronavirus”.
O mandatario local explica que “as rúas máis comerciais terán un maior número de arcos, porque é nas que de seguro haberá unha maior presenza de xente para realizar as súas compras de Nadal”.
As arcas municipais destinaron este ano un orzamento de 28.000 euros ás luces deste Nadal, que son 1.000 euros máis que en 2019. A cifra representa un 3,7% máis do que se investiu o pasado ano 2019.
A empresa monfortina Iluminaciones Fernández foi a encargada da colocación destas luces, co obxectivo de axudar a manter o emprego e a actividade económica dunha pequena empresa de Monforte.
