Análise do sector ‘Peluquería y Salones de Belleza’ de Ourense
- Manuel Baltar recibe a directivos da «Asociación de Empresarios de Peluquería» de Ourense
O presidente da Deputación de Ourense, Manuel Baltar, recibiu hoxe no seu despacho do Pazo Provincial a visita de representantes da directiva da «Asociación de Empresarios de Peluquería y Salones de Belleza de Ourense», con quen analizou a situación deste sector na provincia de Ourense e as posibilidades de desenvolver actividades de dinamización económica, promoción e implantación provincial.
Na reunión, na que participaron a presidenta da «Asociación de Peluqueros de Ourense», Beatriz Gómez, acompañada do vicepresidente da entidade, Camilo Sotelo, e da técnica Victoria Pérez, o presidente do goberno provincial amosoulles a dispoñibilidade da Deputación de Ourense de colaborar con asociación, e neste sentido, acordaron que ámbalas dúas entidades co-organizarán no vindeiro mes de abril un evento para dar visibilidade aos peiteadores e ás actividades deste sector. A colaboración do goberno provincial con esta iniciativa concretarase logo de coñecer o funcionamento e a programación de eventos que ten previsto desenvolver a asociación en 2016.
