Alumeado de Nadal de Monforte: máis de 900.000 luces LED
- José Tomé Roca anunciou en rolda de prensa que a inversión para a colocación das luces de Nadal deste ano 2022 en Monforte alcanzará os 52.000 euros “que é o investimento máis alto da historia deste Concello”
- ”Isto suporá a maior inversión en alumeado de Nadal na historia de Monforte, cun incremento en relación co ano anterior, de 2.000 euros, o que representa un 4% de aumento”, subliñou o Alcalde
- Unha das principais novidades será a iluminación da Torre da Homenaxe, na que a través de proxectores exteriores, levaremos a cabo 4 proxeccións distintas, unha en cada cara da Torre
- Deste xeito, increméntase o número de arcos colocados, que serán 27 arcos máis que en 2021, pasando de 232 a 259
- Tamén se extenderá a iluminación a 4 novas rúas, sendo un total de 64 rúas, un 6% máis que en 2021, as que conten con arcos. En concreto, as novas rúas con iluminación serán a rúa Blanco Amor (2 arcos), Praza do Conde (1), rúa do Conde á altura do edificio Espinosa (1) e San Lázaro (3)
- “O noso obxectivo con esta importante inversión no alumeado da cidade”, destacou o Alcalde, “é dinamizar o Nadal en Monforte e animar ós monfortinos e ás persoas que nos visitan, a que saían á rúa, que disfruten da cidade e que se animen a mercar no noso comercio e a consumir na nosa hostalería”
- Haberá un novo cono central na rúa do Cardenal, a modo de árbore de Nadal, de 17 metros de alto por 6 metros de diámetro, e na Praza de España haberá un Paquete regalo. En ambos casos, contarán con paso interior “para que a xente poida facerse fotos no seu interior e para inxectar ilusión e alegría nas persoas que viven ou que visitan Monforte”
- O alumeado será encendido o venres día 2 de decembro ás 6.30 da tarde na rúa Cardeal, e apagarase o domingo día 8 de xaneiro, estando en servizo 38 días
- Para contribuír co aforro enerxético, reducirase o horario de encendido: se no ano 2021 era de 18:30 a 3 da madrugada, este ano 2022, será de 18:30 a 1 da madrugada
O Alcalde de Monforte, José Tomé Roca, deu a coñecer onte en rolda de prensa o dispositivo de alumeado de Nadal que o Concello está a instalar nas rúas do municipio e salientou que “este ano superamos as 900.000 luces LED e isto supón que proporcionalmente superamos a Vigo en número de luces por habitante, que toca a 37 luces, mentres que na nosa cidade tocamos a 48 luces LED por monfortino”.
Para a iluminación navideña da cidade, o Concello destina unha inversión de 52.000 euros. “Isto suporá a maior inversión en alumeado de Nadal na historia de Monforte, cun incremento en relación co ano anterior, de 2.000 euros, o que representa un 4% de aumento”, subliñou o Alcalde.
“O noso obxectivo con esta importante inversión no alumeado da cidade”, destacou o rexedor monfortino, “é dinamizar o Nadal en Monforte e animar ós monfortinos e ás persoas que nos visitan, a que saían á rúa, que disfruten da cidade e que se animen a mercar no noso comercio e a consumir na nosa hostalería”.
O alumeado será encendido o venres día 2 de decembro ás 6.30 da tarde, e apagarase o domingo día 8 de xaneiro, permanecendo en servizo 38 días, o mesmo número que en 2021. Para contribuír co aforro enerxético, reducirase o horario de encendido: se no ano 2021 era de 18:30 a 3 da madrugada, este ano 2022, será de 18:30 a 1 da madrugada.
Principais novidades
Unha das principais novidades anunciadas polo Alcalde será a iluminación da Torre da Homenaxe, na que a través de proxectores exteriores, levaremos a cabo 4 proxeccións distintas, unha en cada cara da Torre.
Tamén se extenderá a iluminación a 4 novas rúas, sendo un total de 64 rúas, un 6% máis que en 2021, as que conten con arcos. En concreto, as novas rúas con iluminación serán a rúa Blanco Amor (2 arcos), Praza do Conde (1), rúa do Conde á altura do edificio Espinosa (1) e San Lázaro (3).
Haberá un novo cono central na rúa do Cardenal, a modo de árbore de Nadal, de 17 metros de alto por 6 metros de diámetro, e na Praza de España haberá un Paquete regalo.
En ambos casos, contarán con paso interior “para que a xente poida facerse fotos no seu interior e para inxectar ilusión e alegría nas persoas que viven ou que visitan Monforte”.
Máis de 900.000 luces LED
José Tomé salientou que este ano o Concello alcanza as 900.000 de luces LED para a iluminación de Nadal, e resaltou diversos aspectos sobre a mesma.
O cableado necesario para a instalación do alumeado de Nadal é de 12.000 metros de cable trenzado. Distribuíndo as luces por cada elemento luminoso, segundo os datos facilitados pola empresa que instalou as luces, son os seguintes:
- Os 259 arcos terían 850.000 luces LED.
- A árbore de Nadal do Cardenal, 20.000 luces LED.
- O Paquete da praza de España, 10.000 luces LED.
- O cedro xunto os Escolapios, 4.500 luces LED.
- E nas árbores das prazas, 1.800 luces LED.
A suma total ascende a 886.300 luces LED. Sen se suman as luces das proxeccións da Torre da Homenaxe, as dos arcos de saúdos de Bo Nadal que hai ás entradas da cidade, e as da Casa Consistorial, supéranse as 900.000 luces LED.
“Ademais”, comentou o Alcalde, “isto supón que proporcionalmente superamos a Vigo en número de luces por habitante: Vigo ten uns 300.000 habitantes e instalou 11 millóns de luces, polo que tocan a 37 luces LED por habitante; Monforte ten arredor 18.500 habitantes, polo que tocamos a 48 luces LED por monfortino”.
A maior inversión en alumeado de Nadal da historia de Monforte
“Dende o Concello investimos 2.000 euros máis no alumeado de Nadal con respecto ó ano 2021, alcanzando os 52.000 €, un 4% máis, a maior inversión en alumeado de Nadal da historia do Concello de Monforte” salientou o Alcalde.
“Eu como Alcalde e o meu Equipo de Goberno, estamos impulsando o alumeado de Nadal, e asumindo o seu coste e instalación, tal e como vimos facendo dende que chegamos ó Goberno municipal en 2015, para axudar ó comercio e á hostalería, que son pilares básicos da nosa economía.”
Deste xeito, increméntase o número de arcos colocados, que serán 27 arcos máis que en 2021, pasando de 232 a 259 en 2022, un 11% máis.
Os arcos de Nadal serán de luz LED, de baixo consumo e maior visibilidade, dando resposta a un alumeado máis intenso que coas luces convencionais.
Ademais das 64 rúas iluminadas con arcos, tamén estarán adornadas a Torre da Homenaxe, a Praza de España, o Campo de San Antonio, a Praza de Carude, a Praza dos Chaos, a Praza da Estación, e 7 arcos de “Bo Nadal” que se ubicarán nas entradas á cidade de Monforte.
Tamén será adornado coa Estrela de Nadal o cedro que se atopa entre a Praza das Casitas e a explanada da Compañía, “como unha guía que nos conduza cara a un ano mellor para todos”.
Para complementar o alumeado de Nadal, tamén funcionarán as fontes da cidade todos os días en horario reducido ata as 10 da noite, de xeito particular, as fontes que teñen iluminación, como a da Estación, a das Casitas ou a do Parque da Compañía.
Iluminación de 64 rúas da cidade
Este ano son 64 rúas as iluminadas, engadíndose 4 con respecto a 2021, que son:
- Rúa Blanco Amor: 2 arcos
- Praza do Conde: 1 arco
- Rúa Conde á altura do edificio Espinosa: 1 arco
- San Lázaro: 3 arcos.
Case todas as rúas incrementarán o número de arcos, pero dun xeito especial, as rúas que máis incrementarán, tanto en número como en proporción, son:
- Valle Inclán: pasa de 5 a 7 arcos.
- Corredoira: pasa de 6 a 7 arcos.
- Malvarón: de 2 a 3 arcos.
- Estrella: de 1 a 2 arcos.
- Rosalía de Castro: de 1 a 2.
- López Suárez: de 1 a 2
- Travesía Veiguiña: de 2 a 4.
- Fontecha: de 1 a 2.
- Tomás Vázquez: de 1 a 2.
- Benito Vicetto: de 3 a 4.
Finalmente, o resto de rúas con arcos son:
- Juan Montes: 5 arcos.
- Reboredo: 4 arcos.
- Duquesa de Alba: 4 arcos.
- Carude: 4 arcos.
- Roberto Baamonde: 15 arcos.
- Morín: 10 arcos.
- Hortas: 6 arcos.
- Cardenal (peonil+zona de tráfico): 10 arcos.
- Compañía:10 arcos.
- Calvo Sotelo: 15 arcos.
- Doutor Casares:14 arcos.
- Ourense: 8 arcos.
- San Pedro: 5 arcos.
- Rúa Coruña: 4 arcos.
- Avenida de Galicia: 15 arcos.
- Rúa Chantada: 10 arcos.
- Celso Emilio Ferreiro: a 6 arcos.
- Francisco Moure: 6 arcos.
- Eduardo Pondal: 3 arcos.
- Valle de Lemos: 2 arcos.
- Molinos de Antero: 1 arco.
- Germán Vázquez: 2 arcos.
- Central: 1arco.
- Real: 1 arco.
- Inés de Castro: 4 arcos.
- Curros Enríquez: 2 arcos.
- Pontevedra: 2 arcos.
- Concepción Arenal: 2 arcos.
- Praza da Estación: 2 arcos.
- Río Seco: 2 arcos.
- As Cruces: 3 arcos.
- Abeledos: 5 arcos.
- Santa Clara-Ramberde: 6 arcos.
- Casar: 2 arcos.
- Ferrol: 1 arco.
- Santiago: 1 arco.
- Covas: 3 arcos.
- Hermida Balado: 3 arcos.
- Doutor Goyanes: 2 arcos.
- Doutor Teixeiro: 7 arcos.
- Comercio: 3 arcos.
- Paseo de Lugo: 3 arcos.
- Dalmiro de la Válgoma: 2 arcos.
- Pinguela: 2 arcos.
- Sarria: 3 arcos.
- Lois Pereiro: 2 arcos.
- Otero Pedrayo: 3 arcos.
“O desexo do Concello” concluíu o Alcalde,
é que este amplo dispositivo de Nadal, sirva para animar á xente a saír á rúa, a mercar no comercio local, que anime e que alegre a vida dos nosos veciños e veciñas.
