A Consellería de Cultura e Educación convocará 446 prazas para as oposicións a mestres e inspectores no ano 2015
A Consellería de Cultura, Educación e Ordenación Universitaria convocará 446 prazas para as oposicións a mestres e inspectores neste ano 2015, segundo a proposta presentada hoxe na mesa sectorial. Deste xeito o departamento educativo da Xunta de Galicia esgota o 50% da taxa de reposición permitido polo Goberno central; e faino cunha oferta de emprego público en todas as especialidades de mestres, agás a de francés.
A distribución de prazas será a seguinte:
|
CORPO DE INSPECTORES DE EDUCACIÓN |
||
Reserva de discapacitados |
Libre |
Total |
1 |
13 |
14 |
CORPO DE MESTRES |
||||
Código/especialidade |
R. discapacitados |
Libre |
Total |
|
031 |
Educación infantil |
12 |
163 |
175 |
032 |
Lingua estranxeira: inglés |
3 |
47 |
50 |
034 |
Educación física |
3 |
32 |
35 |
035 |
Música |
3 |
34 |
37 |
036 |
Pedagoxía Terapéutica |
3 |
47 |
50 |
037 |
Audición e Linguaxe |
4 |
51 |
55 |
038 |
Educación Primaria |
2 |
28 |
30 |
Total |
30 |
402 |
432 |
|
Outros temas da mesa sectorial
Na mesa sectorial celebrada hoxe abordáronse, así mesmo, a orde pola que se convoca concurso de méritos para a selección e o nomeamento da Dirección dos centros docentes públicos; e máis a convocatoria de concurso de méritos específico entre persoal funcionario de carreira dos corpos docentes para cubrir postos de persoal docente en prazas sometidas a convenio ou a programas específicos da Consellería, e de prazas nos equipos de orientación específica.
No caso do concurso de méritos para a selección e o nomeamento da Dirección dos centros docentes públicos está prevista a renovación de 168 directores; mentres que no do concurso de méritos específico entre persoal funcionario de carreira dos corpos docentes para cubrir postos de persoal docente en prazas sometidas a convenio ou a programas específicos da Consellería os postos suxeitos á convocatoria serán 23, en concreto os dos de mestres para centros da Consellería de Traballo e Benestar en Montefiz e Monteledo (Ourense), para a Fundación Monte do Gozo- Proxecto Home Galicia, o Centro base da ONCE en Vigo, a Escola de Especialidade Antonio de Escaño (Ferrol), e a Escola de especialidades fundamentais da Estación Naval de Graña (Ferrol). No caso dos equipos de orientación específica o número de prazas contemplado no concurso será de 10.
Na xuntanza mantida cos sindicatos abordouse ademais o proxecto de orde pola que se regula o procedemento de consolidación do complemento específico das directoras e directores dos centros docentes públicos.
