Novo seminario organizado polo Centro Demostrador TIC que aborda a xestión documental con software libre
O Centro Demostrador TIC, que xestiona a Axencia para a Modernización Tecnolóxica de Galicia, acollerá o día 16 de setembro o seminario “Xestión documental con software libre” (https://cdtic.xunta.es/xestion-documental-sfl) que se impartirá no CDTIC Galicia en horario de 16.00 a 20.00 horas.
A través deste seminario, de carácter eminente práctico, ademais de explicar que é a xestión documental e os seus beneficios e vantaxes para a empresa, as persoas asistentes poderán coñecer os criterios de selección dun sistema de xestión documental e dun provedor e cales son as diferentes alternativas de xestión documental que existen en software libre.
A xornada está destinada a profesionais autónomos, así como a persoal directivo ou xestor de micro, pequenas e medianas empresas. Os encargados de impartilo serán Víctor Fariña e Isis Edreira, da consultora Queres Tecnologías, unha empresa que proporciona servizos de consultoría e integración de sistemas e que está especializada en solucións de xestión de contido empresarial.
