«Fantasía coas palabras» da Compañía María Faltri e Jorge Juncal na Casa da Cultura de Monforte
- Espectáculo musical para público infantil e familiar este domingo
- A obra, titulada Fantasía coas palabras, enmárcase dentro do entro do programa “Outono é diversión” de Política Lingüística e preséntase este domingo 8 de novembro a partir das 18.00 h.
- A entrada é gratuíta, sendo o aforo limitado, e todos os asistentes deberán seguir as indicacións do protocolo específico de seguridade e hixiene ante o Covid-19 co que conta o Concello para este tipo de representacións. A entrada farase media hora antes do comezo da obra ata completar o aforo
O Concello de Monforte segue a desenvolver a súa programación cultural para o último trimestre do ano 2020, contando coas medidas de seguridade necesarias ante o Covid-19 para a realización de cada unha das actividades programadas.
Deste xeito, este domingo 8 de novembro ás 18:00 h o salón de actos da Casa da Cultura Poeta Lois Pereiro acollerá un espectáculo musical para público infantil e familiar dentro do programa “Outono é diversión” de Política Lingüística.
A Compañía María Faltri e Jorge Juncal presenta “Fantasía coas palabras”, espectáculo musical no que se unirán a música en directo e a acción teatral no recorrido polas cancións que compoñen o disco “Fantasía con Palabras”.
Os compoñentes do grupo son María Faltri, Jorge Juncal, Juansy Santomé, Reynier Aldana e Max Gómez.
A entrada para esta obra é gratuíta, sendo o aforo limitado.
Debido a situación sanitaria é obrigatorio o uso de máscaras, haberá que gardar a distancia de seguridade e usar a solución hidroalcohólica.
A entrada farase media hora antes do comezo da obra ata completar o aforo.
