Os ‘Masters of Wine’ visitan Valdeorras
- Membros do instituto Masters of Wine visitan Valdeorras
- A organización, que representa a máxima excelencia na educación do viño, promove a máis alta profesionalidade na industria vinícola
Representantes do instituto Masters of Wine, de ruta estes días por diferentes territorios vinícolas amparados de Galicia, visitaron hoxe as instalacións e dúas bodegas da D.O. Valdeorras. Esta organización, que aglutina a máis de 280 profesionais, representa a máxima excelencia na educación do viño e promove a profesionalidade do sector.
Na sede da D.O., os membros do colectivo foron recibido polo presidente do Consello Regulador, Francisco García, e puideron desfrutar dunha cata de varias mostras de brancos e tintos da zona. Ao longo da xornada, os Masters of Wine puideron coñecer tamén as instalacións das bodegas ValdeSil e Rafael Palacios.
O presidente da D.O. puxo en valor o traballo dos representantes desta entidade de cara a “favorecer a promoción das rexións vinícolas que visitan e a difusión dos seus produtos” e confía en que poidan “reportar detalladamente as singularidades dos viños da comarca para que sexan coñecidas por diferentes públicos obxectivo”.
